06 May 2016

Адыгэ Iофым дэлажьэу Хъуадэ Аднан хьапсым чIагъэтIысхьагъ


ЖъоныгъуакIэм и 5-м Адыгэ республикэм щыпсэурэ Адыгэ Iофым дэлажьэу, илъэс 20 ипэкIэ ихэку къэзыгъэзэжьыгъэу Хъуадэ Аднан полициехэм Мыекъуапэ щаубыти хьапсым чIагъэтIысхьагъ. Лажьэу къыпалъхьэрэр ку (мащинэ) ыфын фимытэу ыфыгъ аIо ыкIи нэмыкI лажьэгорэхэри къыпалъхьэныр ит. Джащ фэдэу Мыекъуапэ Адыгэ хасэм хэтхэм къытфатхыгъ. 

Полицием щыщхэр ыкIи нэмыкI хьыкумэт къулыкъухэр зэхэтыхэу Аднан иунэ идэжь щаубытыгъ. А уахътэ дэдэм Мыекъуапэ Адыгэ Хасэм хэтхэр унэм идэжь Iухьахи Аднан къатIыпщыжьынэу полициехэм адэгущыIагъэх ау дакъэ 15 нэужьым Аднан полициехэм Iуащи хьапсым ащагъ. 

Хасэм хэтхэр адвокат аригъусэу хьапсым кIуагъэх. Адвокатыр Аднан идэжь чIахьи дэгущыIагъ. Ащ къызэриIуагъэмкIэ неущ, пчъэдыжьым, жъоныгъуакIэм и 6-м сыхьатэ 09.00, Адыг-пром-строй унэм хэт мэхькэмэм Аднан суд щашIыщт. 

Мы аужьырэ илъэсхэм зэфэшъхьэф хьыкумэт къулыкъухэм Аднан къинхэр рагъэлъэгъух. Заулэрэ ар полициехэм аубытыгъ, заулэрэ иунэ къаплъэхьыгъ. Аднан мыщ фэдэу къызыфэдэзекIохэрэр шъэфэп, Аднан Адыгэ Iофым пылъи ары, Адыгэ лъэпкъым ифитыныгъэхэм афэбани ары. Мыщ фэдэу Аднан къызэрэдэзекIохэрэр афэбдэнэу щытэп ыкIи ахэм законкIэ, демократие шыкIэхэмкIэ Адыгэхэр апэуцожьынхэу пшъэрылъ ателъ. 


No comments:

Post a Comment

Адыгэ Хэку
Диаспорэ
Хэкугъэзэжьын
Тхыгъэхэр Жаман Аминэ – дунейпсом гулъытэшхуэ щызыгъуэта адыгэ киноухуакIуэ

Адыгэ УпчIэ
Археологиер
Экологиер
Спортыр
Туризм