03 May 2016

Кушъхьэфэчъэ спорт зэнэкъокъухэр Адыгэ Республикэм щыкIуагъэх


Урысые Федерацием кушъхьэфэчъэ спортымкIэ изэнэкъокъу-хэр Адыгэ Республикэм игъогухэм ащыкIуагъэх. Апэрэ мафэм шъхьэзэкъо зэIукIэгъухэр зэхащагъэх. Километрэ 20 къэзычъы-гъэхэм Санкт-Петербург щыщхэр къахэщыгъэх.

Нэбгырэ 47-рэ текIоныгъэм фэбэнагъ. Анастасия Пляскинам текIоныгъэр къыдихыгъ. Санкт-Петербург илIыкIохэу Мария Новолодскаямрэ Анастасия Яковенкэмрэ ятIонэрэ ыкIи ящэнэрэ чIыпIэхэр афагъэшъошагъэх. Купхэр километрэ 82-м зыщызэнэкъокъухэм, С.-Петербург щы­щэу Мария Концыберг текIоны­гъэр къыхьыгъ.

Къушъхьэм дэкIуаехэзэ километри 10 спортсменкэхэм къы­закIум, Адыгэ Республикэм кушъ­хьэфэчъэ спортымкIэ икIэлэ­цIыкIу-ныбжьыкIэ спорт еджапIэ зыщызыгъэсэрэ Елизавета Ошур­ковам апэрэ чIыпIэр къыдихыгъ, тренерэу А. Войновыр ипащ. Иркутскэ хэкум къикIыгъэ Татья­на Шамановар ятIонэрэ хъугъэ.

Илъэс 17 — 18 зыныбжьхэм язэIукIэгъухэм С.-Петербург ип­шъа­шъэхэу М. Новолодскаям, А. Степановам апэрэ чIыпIэхэр къы­дахыгъэх.

Сурэтым итыр: Елизавета Ошур­ковар.



No comments:

Post a Comment

Адыгэ Хэку
Дунае
Кавказ Урысие
Диаспорэ
Тхыгъэхэр
Хэкугъэзэжьын
Адыгэ УпчIэ
Археологиер Экологиер
Спортыр
Туризм